تعليم الأرقام الفردى والزوجى . تعليم قيمه العدد

كيف أعلم طفلى الأرقام الفرديه والزوجيه . كيف اعلم طفلى القيمه العدديه 

استخدمت نشاط الأقراص والبطاقات (Odd and even box) 

هذه أداه من أدوات منتسورى فى ركن الرياضيات




بتقدم لتعليم الطفل الأرقام الفرديه والزوجيه البوكس دا بيتباع بأكثر من 100 جنيه

أنا عملته بفكره بسيطه وكلفنى 4 جنيه فقط

الأداه الأصليه خشب وأنا نفذته بالفوم ثم وضعت الدوائر والأرقام فى بوكس

وقسمتها من المنتصف

ممكن استخدامها بأزرار أو بأى شئ اخر ولكن لازم يكونو كل المستخدم نفس الشئ


طريقه التقديم:


بنضع الأرقام على سجاده العمل مع وضع مسافه بين كل رقم وأخر


والطفل يضع الأقراص تحت كل رقم بالقيمه الخاص به



وبعدين أوضح للطفل ان رقم واحد 1 دائره واحده او قرص واحد مفيش جمبه صاحب


وكذلك 3 اخر الاقراص واقف لوحده و5 و 7 و9

دول بنسميهم أرقام فرديه


اما رقم 2 و 4 و6 و 8 و 10 كل اتنين مع بعض جمب بعض اصحاب
بنسميهم ارقام زوجيه










بعد كدا ممكن اقدم الدرس الثلاثى

اجيب الرقم او اتنين واقول مثلا 1 دا فردى 2 زوجى

المرحله الثانيه : اسأله فين مثلا الرقم الفردى

المرحله الثالثه : أسأل دا ايه

ممكن تقسيم الدرس على أكثر من جلسه الى أن يتقنها طفلى