اللعبه الى لونها أخضر دى انا كنت سألت عليها من فتره كانت ب 120 ج فأ انا عملتها مكلفتش 20 ج
عباره عن ايه كيس من قماش وفيه خرز كتير وفى وسط الخرز مجموعه العاب صغيره ومن فوق قطعه بلاستك شفاف
بنعمل بيها ايه وهدفها..؟☺️☺️
دى الى انا نفذتها
اولا الهدف المباشر : تقليل وقت #التاب_أو_الآيباد وانشغال الطفل بحاجه مفيده
الهدف الغير مباشر:
1_ تركيز و انتباه
2_ تأزر بصرى حركى
3_ ذاكره بصريه وهقولكم ازاى
4_ تنميه حاسه اللمس عند الأطفال
5_مطابقه مجسم بصوره
طريقه اللعب بيها:
1_ المستوى الاول بورى للطفل الصوره من ضمن الصور🖼️ واقوله يدورلى على الى زى دى وعليه انه يقعد يحسس ويقلب لحد اما يطلع المطلوب
2_ ممكن اشتغل ذاكره بصريه اوريله كذا صوره بالترتيب مثلا مشبك- شمسيه - فيونكه واقوله طلعلى دول وهو المفروض يطلعهم بالترتيب زى ما انا قولت وكل مره بزود لما يتقن السابق وممكن ازود بتايمر وقت معين
3_ مرحله متقدمه انا بوريله المجسم الى فى اللعبه واكون طابعه اسماء الاشياء كلها مجمعه فى ورقه بالعربى والانجلش
اقوله دا ايه وهو يطلع الكلمه المطابقه بالمجسم مره بالعربى ومره انجلش
يعنى مثلا ادور انا على العربيه🚗 واقوله هاتلى اسم دا من الورقه وهو يعمل عليها دايره او يشاور وفى ورقه الانجلش يشاور على car 🚗من وسط مجموعه الاسماء
ازاى اعملها بقا فى البيت وبأبسط الأشياء
قطعه قماش مستطيله_ غلاف بلاستيك شفاف _ شويه خرز
ممكن نستبدلها بأى حبوب لان الخرز هتكون مكلفه
انا استخدمت لوبيا عشان تكون شبيهها بالخرز
وشويه خردوات دورو فى الأدراج هتلاقو كنوز
أنا جمعتهم من التوك القديمه👒☂️ والمتكسره وحاجات تانيه🌸
وبس نقفل قطعه القماش على شكل مربع ومن فوق نحط قطعه من البلاستيك الشفاف القوى ونلزقها يا نخيطها
قبل ما نضع الألعاب نضعهم على ورقه ونصورهم ونطبعهم وبعدين نغلفهم ونبدأ نشتغل بيها زى ما أنتو عيزين
السن : من 3 سنين وانت طالع وزد الأهداف
إرسال تعليق