من أفضل الألعاب التى يحبها الأطفال هو اللعب بالمعجون أو الصلصال
ولكن شراءه باستمرار مكلف على معظم الأسر بالإضافه الا أن الصلصال الجاهز به مواد بتروليه وخطر على الأطفال وخاصه الصغار الذين يضعون معظم الأشياء فى فمهم غير انه قطع صغيره مش بتكفى الإبداع 😂😂
وفى ظل هذه الأيام وعزلنا فى النزل معهم بسبب كورونا اللعين
يمكنك عمل الصلصال بخامات بسيطه ومن المنزل وتقضى وقت مرح وممتع مع أطفالك
المكونات:
٢ كوب دقيق _نص كوب ملح _ معلقتين ملح ليمون
٣ معالق نشا _ ٢ معلقه زيت _كوب ماء دافئ
ملح الليمون عشان يحافظ عليه وقت اطول
خطوات العمل:
- أولا هنضع المكونات الجافه فى وعاء غير لاصق
بعد كدا هنضيف الزيت والماء الدافئ بالتدريج
ونقلب على نار متوسطه لحد ما العجينه تلم
بعد كدا هنفردها على صينيه ونفرد تحتها شويه دقيق ونعجنها دقيقتين
الخطه إلى بعد كدا هنقطعها قطع متساويه
ونضيف عليها اللون
انا استخدمت ألوان صحيه بودر وجل
لو مفيش عندك ألوان استخدمة البهارات فى تلوينها زى الكركم او البن والكاكاو وأيضا يمكنك استخدام الزهره فى اللون الأزرق
وهذه بعض إبداعتنا😍
شوفي الفيديو عشان تفهمي أكتر الطريقه
اللعب بالصلصال له فوايد كتير
فوائد جسدية وحركية.🏃.. اللعب بالصلصال يساعد الطفل على تمرين وتنمية عضلات الأصابع الدقيقة وتعزيز قوة حركة أصابعه وذراعيه وأربطته عندما يقوم بالضغط والفرد والتشكيل، مما يُساهم في تعامله بشكلٍ أفضل مع القلم والمقص في مرحلة الدراسة لاحقاً.
فوائد نفسية...🤗 فهو يحفز الطفل على الهدوء عندما يصاب بالإحباط أو الغضب، لأن الضغط على العجين ينتج تأثيرا مهدئا، ويمكن للأطفال أن يشعروا براحة في التعبير عن أنفسهم بطرق مختلفة
وينمى الإبداع والتخيل للطفل وكمان نشاط حسى
اضيف البودر الألوان عالعجينة علي طول
ردحذفلا خفيها لمايه الأول عشان يعطيك لون حلو
حذفاعملى بالسنتيمترمايه عليهم حاجه خفيفه خالص لون
إرسال تعليق