مكـونـات البـيئـه أول دروس الجغرافيا

مكونات البيئه

الدرس الاول

الأدوات:

• صينيه
• 3 برطمانات
  
• قص ولزق او قماش الجوخ الوانهم ابيض وبنى أزرق
• تربه ( تراب او رمال )
• مايه وممكن تكون ملونه باللون الأزرق
• بنضع أيضا قصاصات من نفس لون الغطاء أسفل البرطمان كضابط للخطأ

طريقه التقديم:

بجهز الثلاث برطمانات الى بيدلو على مكونات البيئه

واحد اجعل غطاه لونه بنى  لللدليل على التربه والثانى ابيض يدل على الهواء

والثالث أزرق ليدل على الماء

بحضر الصنيه وعليها الثلاث برطمانات

وعاء به بعض من التربه او الرمال ودورق به ماء

أجعل الطفل يضع فى البرطمان الى لونه بنى بعض التراب

والبرطمان الخاص بالماء بعض الماء

ثم أتكلم معه أن البيئه التى نعيش بها تتكون من أرض وماء وهواء الى حولنا

ثم أقوم معه بعمل الدرس الثلاثى وتقدرى تشوفى ايه هو الدرس الثلاثى ف مونتسورى أضغطى على الكلمه

أعرفه دا أرض وأشاور على التربه
دى مايه دى هوا
بعد كدا أسأل طفلى فين الهوا فين الماء... وهو يشاور
المرحله الثالثه أسأله 
دا ايه ؟

وبكدا الدرس الأول خلص

الدرس الثانى :

فى يوم تانى أو فى جلسه أخرى ولو كان طفلى عنده قابليه إنى أزود فى نفس الجلسه مش مشكله

بجيب صور تدل على الأرض والماء والهوا

وأبدأ أسأل طفلى الأرض ممكن نشوفها فين ولو مش عارف ممكن افكر معاه

الارض الى بنمشى عليها التراب، الرمال ،الطريق، الصخور،الجبال...

والمايه ممكن نشوفها فى ايه 

الأنهار ، البحار، المحيطات ، الحنفيه بتنزل مايه ،الشلالات

الهوا الرياح ، البالونه جواها هوا ، وأعرفه ان الهوا مش بنشوفه

بس بنشوف تأثيره زى الشجر الى بيتحرك

ونبدأ نجيب الصور وهو يصنفها تحت البرطمانات

بعد كدا امتدادات للنشاط

بنخليه يصنف صور أشياء على الارض وف المايه وف الهوا

ويمكن أيضا تصنيف بعض الحيوانات والمواصلات

من تريد ملفات الطباعه تضع فى كومنت فقط إيملها الإلكترونى
أو اضغطى هنا لطلب إذن للوصول 

وهنا لملف الإمتداد للتصنيف  

وللشرح اكتر من هذا الفيديو