أول دروس علم الحيوان .تصنيف الكائنات الحيه والغير حيه
اول خطوه بنتحدث الطفل عن احتياجات الكائن الحى انه بيحتاج انه ياكل ويشرب ويتنفس وينمو
بتسألى طفلك انت بتاكل وبتشرب هيقولك اه وهتقوليله انت كنت صغير بيبى👶 وبعدين كل اما تاكل بتكبر🧒🧑 يعنى بتنمو
يبقى انت كائن حى
لو فى اى حيوان فى البيت هتخليه يأكله ويشربه وتقوليله أكل وشرب وبيتنفس من انفه كمان وبيتحرك يبقى كائن حى
وهكذا مع باقى الحيوانات والطيور
النبات طبعا من الكائنات الحيه قلت لنوران الشجره من الكائنات الحيه والنباتات🌱🌲🌴 كمان قالتلى لا كائن غير حى عشان مش بتاكل مش بتشرب فقررنا نعمل تجربه بسيطه من البيت وجبنا بصل وحطيناه فى المايه وتابعناه كل يوم لقيناه فعلا كبر وبيشرب المايه وعرفته انه كمان بيتنفس عشان يكبر
وبما انه بياكل وببشرب وبيكبر يبقا كائن حى
بعد كدا عملنا تصنيف لبعض المجسمات الى عندنا لكائنات حيه وغير حيه🐇🦓🐴🐅🍴👛🧢⛴️✈️🚕
وبعدها تصنيف لبعض الصور🖼️ ثم فى الآخر حلينا شيت صغير نعمل دائره على الكائنات الغير الحيه
وصنفنا بعض الصور لكائنات حيه وغير حيه
العمر المناسب من ٤ ونص او حسب قدرات الطفل
يمكنكم تحميل ملفات الطباعه من (هـــــــــنـــــــا) و(هـــــــــنـــــــا)
جزاكي الله خيرا ممكن اسم الكتاب
ردحذفكتاب تنميه مهارات كانت مستلماه فى الحضانه الملفات المستخدمه طبعاها
حذفرائعه
ردحذفإرسال تعليق