تعليم أطفالى كيفيه الوقايه من الفيروسات (كورونا)

كيف أعلم أطفالى طرق الوقايه من الفيروسات؟ 

فى ظل هذه الأيام

وانتشار فيروس كرونا والعزل الى إحنا فيه كان لازم نبدأ نعرف أولادنا احنا ليه قاعدبن فى البيت وكل شويه هما بيطالبو بالخروج والرد الدائم مينفعش عشان فى فيروسات كتير وحشه

فكان لازم نعد عده بسيطه كدا ونحاول نفهمهم الوضع الى احنا فيه 
وإزاى نقى نفسنا من هذه الفيروسات
أولا الله هو الحامى والحافظ فعشان كدا لازم نحافظ على الأذكار معاهم ونستعين بالله فطبعنا أذكار الصباح والمساء وعملناهم نسختين عشان يكونو فى مكانين فى غرفه النوم ومكان المعيشه

تانى حاجه لازم نتعرف عن اى هو الفيروس الى موجود دا فطبعت قصه بسيطه كانت متداوله وجزاها الله خير الى ترجمتها عن فيروس كورونا 

وقرأنا قصه العدو الخفى من إصدار سفير منزلاها مجانى pdf  طبعناها واتعرفنا سبب نقل العدوى لطارق بسبب انه شرب من كوب صديقه المريض
فلازم كل واحد يكون له كوب خاص به
 وكمان غسيل الخضار والفاكهه جيدا قبل الأكل

الفيروسات والجراثيم كائنات صغيرة مش بنشوفها بعنينا وبتكون موجوده على إيدينا وإحنا مش شيفنها
عشان كدا لازم نحافظ على نظافه إيدينا ونغسلها كويس كل شويه بالمياه والصابون 

وعشان جسمنا يكون قوى ويهاجم الفيوسات والجراثيم الى بتدخله لازم نتغذى كويس وناكل حاجات مفيده تقوى جهازنا المناعى الى بيدافع عننا
زى الخضراوات والفاكهه والبروتينات

وعرفنا سبب إصابتنا بالبرد ولماذا  الطبيب ينظر على حلقنا عندما نذهب للكشف

وأهميه غسل أسنانا عشان البكتريا

وعرفنا بعض الإرشادات عشان نحافظ على نفسنا من نقل العدوى 

عدم لمس الأشياء وغسل إيدينا بعد اللمس

عدم تقبيل او السلام بالأيدي على أى شخص 

عدم الأحضان وعدم الخروج من المنزل لحين ما ربنا يفك هذا الكرب 😢

يمكنكم تحميل تعريف بفايروس كورونا للأطفال مــن هــنـــا

ولتحميل قصه العدو الخفى مـن هــــنـا