تتكرر شكوى الأمهات ابنى مش عاوز يذاكر معايا وبينسى كل حرف او رقم اتعلمه
حاولى تجربى معاه طرق غير تقليديه وبعد المرات هتيله نشاط او لعبه يتعلم منها الحرف
والنهارده جيبالكم بعض الأفكار أو الألعاب المسليه لكى نتعلم منها
الحروف والأرقام وكمان تقدرى تخليه يكتب بعيد عن الورقه والقلم
وخصوصا الأطفال فى مرحله التمهيدى الأمهات بتكون عاوزه تدربهم على الكتابه وعضلات ايديهم بتكون ضعيفه فمسكه القلم
اللعبه الأولى :
لعبه صيد الحروف بالمصفاه او بالمعلقه
هتستخدمى ورقه عليها الحروف مكتوبه او تطبعيها هحط رابط الطباعه اسفل التدوينه
وصينيه فيها الحروف أو الأرقام والطفل عليه يأخذ الحروف أو الأرقام بالمصفاه ويطابقها على الحرف الى زيه
مع تكرار اسم وصوت الحرف معاه
وكمان اللعبه بتقوى الإنتباه والتركيز لأنى فيها تأزر بصرى حركى عالى
وبما إن نحن الآن فى الصيف والأطفال بتحب تلعب بالمياه
فندمج التعلم باللعب
اللعبه الثانيه :
هنستخدم الرز الملون فى الكتابه عليه بطريقه حسيه وممتعه لطفلك
وكمان تقدرى تضعى الحروف فى الأرز والطفل يدور على الحرف المطلوب الى انتى بتدربيه عليه
ولو فى مرحله الكتابه يبحث عن الحروف لتكوين الكلمه
اللعبه الثالثه :
استخدمت كيس وحطيت فيه الحروف وبداخل الكيس أيضا ماده جيلتينيه مثل الجليسرينو وضعت تحت الكيس ورقه عليها الحروف
والطفل عليه يحرك الحروف من برا الكيس ويضع كل حرف على الى مثله
واللعبه دى مفيده لتقويه عضلات الأصابع ومسليه اكتر
شوفو الفيديو للتوضيح أكثر
اللعبه الرابعه:
يمكنكم استخدامها للكتابه او الرسم عليها وهيا الكتابه على الدقيق الملون
طريقه عملها موضحه فى الفيديو
ويمكنكم تحميل الصوره المستخدمه مـــن هــنــــــا
شكرا جزيلا
ردحذفإرسال تعليق